放學紀念日

二零零七年四月三十日
應該係哩四個人第一次一齊放學去玩~
所以佢地就訂左哩一日為放學紀念日

好多人都覺得佢地哩個組合好奇怪... 因為佢地四個人完全無一個共同的渠道去認識大家...
有的...可能係好多好多的巧合
好巧合咁... 佢地一齊入左莊啟程
好巧合咁... 葉佩兒聽到黃煒敬中一至中五讀銘賢..跟住佢發現黃煒敬同佢表哥係中同..
好巧合咁... 葉佩兒同黃煒敬&蘇詠豪同班
好巧合咁... 佢地又唔知點解開學無耐就好岩傾
好巧合咁... 劉穎芯,黃煒敬&葉佩兒...唔知點解都走左去做prefect
好巧合咁... 葉佩兒同劉穎芯都由唔同的prefect team ...比人一齊調左去黃煒敬的team... 哩三個人就變左同team la...
好巧合咁... 有次葉佩兒同蘇詠豪去油麻地買野, 經過劉穎芯返part time 的店...葉佩兒同劉穎芯打招呼~蘇詠豪就識左劉詠芯啦...
好巧合咁... 蘇詠豪同劉穎芯都好岩傾~ 因為哩兩個人都係低能的...
好巧合咁... 係葉佩兒少有的唔開心時...另外的三個人..竟然都為左葉佩兒開心,, 一齊比surprise 佢...
咁多的巧合之後... 哩四個人就變左成日一齊玩la...

中六中七的哩兩年...佢地做的野... 都幾無聊...
佢地最常去的...就係劉穎芯屋企~ 日子耐左.. 個到就變左佢地四個的基地~
佢地最常做的...就係在劉穎芯屋企hea... 仲有串佢細佬...
佢地做得最實際的...就係在劉穎芯屋企一齊整蛋糕同甜品~ 之後一齊食左佢...
佢地都好鐘意一齊出去食野~ 同look 保龄..葉佩兒都係因為咁.. 先識得look..
佢地都會成日一齊去行街~睇戲~

佢地試過一齊去旅行~ 雖然去的只係澳門... 但係個次係葉佩兒第一次去澳門...
佢地試過因為個相機無電..葉佩兒好唔開心.. 跟住一齊去搵個有得充電的地方..幫個相機充電..
佢地試過因為對時間觀念的諗法唔一樣... 嗌交到發脾氣... 搞到個日... 劉穎芯同蘇詠豪留左係原地.. 葉佩兒同黃煒敬就去左沙田....
佢地試過發現廁所無廁所板好唔舒服.. 所以蘇詠豪,黃煒敬&葉佩兒就買左廁所板同廁所板套.. 去劉穎芯屋企..幫佢個廁所加返哩兩樣野...
佢地的嗌交次數並唔少...
佢地仲好鐘意當面話同互串..

佢地四個有好多唔同...
有咩都無所謂的,亦有好固執的~
有好怕死的,亦有唔怕死的...
有似女人的男人..亦有似男人的女人...
有面皮厚到爆的...有面皮薄的
有英好的...有英文差到喊的..
有數學好...都有數學差到怕的...
有覺得自己好高的... 有覺得自己好矮的
有成日話要減肥的... 有成日話要增磅的...

仲有好多思想上的唔同...
例如.. 到左約見面的地方之後... 1) 覺得要打比其他人,睇下佢地去到邊~會唔會去錯地方
                                                       2) 覺得打比人好似吹人.. 所以會慢慢等..

到左佢地都升左大學
佢地無論見面, 傾計, 去玩, 一齊呆坐的時間都少左好多好多...
佢地唔知大家做緊咩...
佢地唔知大家忙緊咩.. 淨係知.. 大家都好忙...
好多佢地以前會一齊做的野... E家都無再做過la...

劉穎芯, 葉佩兒,蘇詠豪&黃煒敬會唔會:
-愈來愈生疏?
-漸漸忘記大家?
-掛住以前大家一齊玩的日子?
-掛住大家?
-係唔開心的時候.. 記起其中一個人.. 之後打去比佢傾計?
-當大家係自己最好的朋友?
-將大家re-u的次數提升?
-將大家的重要性放得高?



以下係一d 葉佩兒同劉穎芯, 蘇詠豪&黃煒敬講的野:
佢真係好掛住劉穎芯,蘇詠豪同黃煒敬..
佢好怕劉穎芯,蘇詠豪同黃煒敬掛住拍拖唔理佢...
佢唔想佢地咁少見...
佢會將同劉穎芯,蘇詠豪&黃煒敬出街的重要性放係其他人的前面..
佢好想... 再多d了解劉穎芯,蘇詠豪同黃煒敬.. 好想同哩三個人更加熟..
佢相信.. 要再有三個咁好的朋友~ 係好難的事~ 所以佢決定要好好珍惜哩三個人~
佢會係考完試之後~ 積極去嘈哩三個人~

最後, 佢唔會再同哩三個人講"唔好掛住我la~" , 因為佢其實好想哩三個人掛住佢~

Hall Life~

回顧...

哈哈~ 岩岩因為唔想溫書~ 所以走左去睇返兩年幾三年前的xanga...

個段時間岩岩係中五考ce~
我一路都認為自己中五係好懶的~因為我係去到考完mock 先開始溫書的~但係我睇返先發現... 雖然我係考完mock 先溫書~ 但係我個段時間真係日日溫~ 諗返中七個陣.. 同樣係考完mock 先溫書... 但係就無中五個陣咁勤力la... e家大學... 仲衰過中七... 考的前一兩日先黎溫..= =

睇返中五last day 個日果篇幾千字的xanga... 我先知原來有咁多野我都唔記得la... 都畢左業兩年幾.. 但係一個gathering 都無... last day 個陣係講過幾多"一定要keep in touch" "唔會唔記得你" "你地一世都係我的朋友" ....
我真係怕中六中七的.. 都會好似中一至中五ga咁.. 

中一至中七發生太多事la.. 我過左哩七年.. 已經由一個死忍難忍都唔會係朋友面前喊的人... 變成一個好眼淺的人...以前的我就算幾咁唔開心幾咁辛苦仍然會好努力咁去做我要做的事... 以前的我係幾有毅力... 以前我成日比人話積極.. 比人話見到我會覺得好輕鬆同好開心...但係e家的我成日都比好多藉口比自己去唔做野... 做野又成日hea hea 下..勁唔認真... 仲會做到一半就放棄... 同埋會比人話同我講野有壓力..

每一次聽到其他人的批評~ 都會盡量去改.. 去迎合人地的諗法...希望自己得到其他人的接受...但係改改下... 我好似已經唔係我....
以前會好清楚自己想點... e家成日都唔知自己想點...無目標.. 無意識... 日日好似就係為生活而生活... 日日都唔知自己做咩...
返學.. 上lecture rm 訓.... 考試...就溫一溫notes... 無野做.. 去打拳... 
人係應該要愈變愈好先岩架... 但係e家我愈來愈懶.. 愈來愈無以前咁積極.. 愈來愈討人厭... 愈來愈唔明自己.. 愈來愈迷失...

哩兩日我成日都自己一個人~ 所以我有好多時間諗好多好多野~ 我估我係時候要反省下~ 我都大個la~ 做事係唔係應該成熟d? 定係做返以前的我~ 做事直接簡單好?

我發現我有好多時都唔知道自己諗咩
因為我唔知自己諗咩..所以我成日都表達唔到自己
我會係咁同人講自己的野
我今日做左咩..我之後會做咩..我之前過d咩...
跟住成日比人話我係咁講自己的野比人知..但係無人話想知

其實我都唔知點解我要話比人知
可能我純粹係想講下野...唔好靜哂..
又或者我係好想有人話比我知.. 我到底諗緊咩...

我好鐘意同蘇小玲講野
因為佢每次都可以係聽完我講ga一大堆野之後分析了解
再總括返比我知..而且每次都係一兩句..仲要係講中哂我想講咩
哩個可能就係我同小玲咁好朋友的原因
每一次我有咩野好想搵人傾計
佢都會係我第一個選擇~ ^^
但係佢就好少會打黎同我傾計la ..可能因為我唔係一個好的聆聽者

其實我好想有人搵我傾計
所以每次有人打比我~ 話想同我傾計~ 我都超級開心
而且因為太少人會搵我傾計...
我好記得邊個人試過特登搵我傾計~ 好多謝你地~ 我真係好開心~ ^^

ps 蘇小玲~~ 你得閒記得打比我傾計la~~ ^^